我嘅暑假之游（台湾，越南，新加坡，马来西亚）

分享一下我嘅旅游心得

1。第一晚去澳门飞台北，夜晚到澳门夜游，等住第二日嘅班机，虽然夜游澳门人超级少但系唔建议学我呢一样，因为一晚冇返觉我心脏好痛，差啲猝死。。。我走咗台北，新北，台南同高雄，台湾真嘅系一个好好行嘅地方，除咗天气热之外我揾唔到任何缺点，我下次一定会揾时间再去台湾嘅

2。越南，我嘅护照需要电子签，祗走咗河内，讲实话喺去越南之前我仲有啲小小担心去嘅安全，但系玩咗几日下来发现比我想像中嘅要安全得多同好玩，祗不过要注意摩托车非常多同交通混乱，打车其实好方便嘅同平，下次有时间都会去胡志明同岘港同芽庄

3。新加坡，冇乜好讲嘅因为我之前去过一次啦喺七年前，所以我祗留咗一日算咗过境，基本上行嘅景点都系以前有去过嘅，最深刻嘅印象就系贵，贵到爆，一樽水要差唔多20港币，痴咗神，我去新加坡一日嘅消费等于我喺越南4日嘅消费

4。马来西亚，呢一次亦都系算咗第二次去，但系呢一次去嘅系西马，就系吉隆坡𠮶度。我喺从新加坡坐大巴过去嘅，亦都系我人生中第一次陆路出国，从新加坡到吉隆坡我拣嘅系红眼班车，大约开咗6个钟，不过因为我喺新加坡玩得好累所以其实上到车就即刻返觉，当然系过咗关之后，中途会换只车，当时惊咗因为换车嘅时候我唔记得攞我嘅唔记得攞住我嘅行李，后面问咗一个新加坡人先至知司机已经帮咗攞行李到另外只车，吓死我真嘅，好多谢𠮶位新加坡人。西马仲比东马繁华得多，而且西马物价相对新加坡平咗好多，但贵过东马，最后一日返香港之前我book咗机场嘅胶囊酒店返觉，大累了，，，西马仲有个槟城冇去过，都系下次嘅目标来嘅哈哈哈哈

整体来讲，每一个地方都系带住好奇心来玩嘅无论有冇嚟过，虽然累但系系一个非常值得嘅一个旅程

下次旅行再期待哈哈哈哈哈

听闻大马嘅网友讲，东马较西马更好玩。有机会可以试下。
星家坡出名嘅贵，其实香港都唔平。但一樽水廿蚊港纸系咪有D太贵喇。请问阁下系喺边度买嘅水咩牌子？？
越南主要系个visa麻烦，我前几日申请咗。都唔知道可唔可以顺利攞到visa