背包客栈自助游论坛
[土耳其]筹备了半年,我们的11年土耳其异国风情之旅终于12/6出发。这次旅程令人异常期待,因自己是第一次冲出亚洲,而土耳其亦不是很多去过,出发...店多住两天﹗ 由于当日房间有多,酒店免费协助我们UPGRADE至FAMILY ROOM,有个小露台可以看到海的呢﹗很美啊﹗待续....
首页 论坛 攻略 机票比价 酒店比价 旅游相册 用户相册 景点地图 背包帮 搜索 今日新帖 注册 登录论坛
回复   发表新主题
 
主题工具
smallsmalllin smallsmalllin 当前离线
客栈之光
帖子: 604
#1
性别: 男生
感谢: 221次/64帖
注册日期: 2009-01-16
旧 11年土耳其九天异国之旅游记(第五天 热气球之旅) - 2011-06-27, 12:35

筹备了半年,我们的11年土耳其异国风情之旅终于12/6出发。

这次旅程令人异常期待,因自己是第一次冲出亚洲,而土耳其亦不是很多去过,出发前对行程还有不少未知之数,所以很紧张,怕有出错,幸好最后一切顺利,仲要玩得十分开心﹗



却说香港飞到土耳其直航要十二小时,我们是贫穷户,只有坐须转机的卡塔尔航空,先坐10小时到多哈再转机﹗



十小时飞机,有若上班一整天,卡塔尔航空服务不错,飞机餐也很好吃﹗

但服务有多好也没用,因夜机真的很辛苦﹗要屈住对脚十多小时,训又训得不好,真的精神崩溃,之前还想在飞机上饮多两杯酒应该会训得好,那知喝多了也是睡不到,眼光光等天光......失了预算﹗疲累啊﹗



最后累透到多哈,多哈转机安检都要等很久,更要除皮带才可以过关,十分麻烦﹗

职员工作慢,排队乱七八糟似的﹗

幸好转机只要等一个多小时,饮杯coffee就可以再上机了﹗



再坐多四个小时就可以到伊斯坦布尔了﹗

飞到土耳其整个人无论有多累也变得清醒﹗实在是太兴奋﹗

土耳其时间慢香港五小时,所以当日我们凌晨在香港上机,坐十六七小时钟到伊斯坦布尔还是当地时间12:20PM,还有半日游玩﹗YEAH﹗


原帖地址: 背包客栈自助游论坛 https://www.bbkz.com/forum/showthread.php?t=498292

酒店有机场接送,二十分钟就到酒店﹗

我们是从网上游记,拣选了旧城区的TASHKONAK HOTEL﹗

由于早两个月预订的关系,价钱75 EURO一晚,六月是土耳其的旺季,即日预订100 EURO呢﹗早点订酒店比较划算﹗



酒店很不错,装修简单亦不失贵格,床十分舒适,睡得很好﹗

我们会先在这酒店住一天,之后再到BURSA再到卡柏多奇亚﹗最后再回酒店多住两天﹗



由于当日房间有多,酒店免费协助我们UPGRADE至FAMILY ROOM,有个小露台可以看到海的呢﹗很美啊﹗

待续....

此帖于 2011-08-29 11:54 被 smallsmalllin 编辑。
被阅读25214次
回复时引用此帖
Aphro Aphro 当前离线
客栈之光
帖子: 895
#2
性别: 女生
感谢: 835次/445帖
注册日期: 2010-11-09
旧 回复: 11年土耳其九天异国之旅游记 - 2011-06-28, 02:35

才开版放上第一篇文就已经有许多心得及供参考的图片,栈友有福了,期待您后续的精彩文章!
回复时引用此帖
smallsmalllin smallsmalllin 当前离线
客栈之光
帖子: 604
#3
性别: 男生
感谢: 221次/64帖
注册日期: 2009-01-16
旧 回复: 11年土耳其九天异国之旅游记 - 2011-06-28, 08:55

引用:
作者: Aphro (原帖)
才开版放上第一篇文就已经有许多心得及供参考的图片,栈友有福了,期待您后续的精彩文章!
这次行程的顺利完成,全仗你啊﹗

真感激你的一切协助啊﹗
回复时引用此帖
smallsmalllin smallsmalllin 当前离线
客栈之光
帖子: 604
#4
性别: 男生
感谢: 221次/64帖
注册日期: 2009-01-16
旧 回复: 11年土耳其九天异国之旅游记 - 2011-07-13, 11:33


冲个凉刷个牙就出发喇﹗

呢个酒店有样好,就系行五分钟就可以去到蓝庙亦即是市中心,十分方便﹗

先行一行酒店附迎的ARASTA BAZAAR先﹗

两旁都系商店,应该是呃游客的商店,无咩好睇,叫做了解下当地有咩好买﹗

之后我地唔睇地图乱咁行,至在认识一下酒店附近的路﹗

旧城区其实尽大部份地方都系可以就系用脚行哂,根本无必要搭车,一路行一路睇仲可以见到好多新鲜事物添﹗

其实行来行去最想去兑钱,可惜就揾极都揾唔到,要来要行到地下宫殿出口对面一条街先可以有CHANGE OFFICE,梗系兑番0的洗费啦﹗当日1 EURO 兑 2.17 TL﹗

提提大家,地下宫殿的入口对面有坐西班牙特色的几层高建筑物,那儿是这里的旅游警局,入面0的POLICE好鬼NICE﹗

捉住你吹水不特止(佢话去边到买野响佢个朵有特价﹗),仲要送埋成堆地图俾你,份地图超精确有用,比起你可以买到既旅游书好用十倍,因佢有土国文本,你在街上问人方便好多﹗记住去攞呀﹗

我不是建议大家去搭这地上铁,而系叫大家只要留意佢地上既轨道,跟住佢行,自然可以去到游客们都必到的EMINONU码头﹗

我地出名悠闲,最憎就系赶景点,要赶我宁愿唔去,梗系食野为先啦﹗

我地去左呢间在街边的BARBECUE HOUSE﹗

土耳其虽只得3%是欧洲,不过食家话走在街上很有欧国风情,当地的人也很好,不用太担心会被骗,只要小心多点自己的贵重财物,便可谓万无一失﹗

唔洗讲咁多,饮番杯先﹗土国的EFES啤饮,清纯好喝,比青岛更妙﹗普通的比黑啤更好﹗



点了个MIXED KEBAB,人人都话土耳其野食唔好食,其实都不是吧﹗

烧鸡烧羊烧牛也做得不错,烤得多汁腌得也好,也许是吃的款式比较少,常吃肉,所以大家也未会爱上吧﹗



猫来了﹗土耳其满街是猫,食店更是常有猫儿,好心的话喂喂牠们吧﹗



吃完我们的第一餐后,我俩沿著地上铁路轨走到码头﹗
原帖地址: 背包客栈自助游论坛 https://www.bbkz.com/forum/showthread.php?t=498292#post3102495

必要试的是开满街的土其耳雪糕﹗

师傅知道你是游客必然同你玩番几十分钟佢0的雪糕绝技,左飞右飞左抛右抛﹗



3TL 一杯,即$15左右吧﹗

很香很浓,雪糕是烟韧的有o赵口,不得不试,十分过瘾,之后差不多每天我也吃一杯呢﹗



其实行二十分钟左右已到EMINONU码头,唔洗搭车的﹗



我的网址: http://hk.myblog.yahoo.com/smallsmalllin
facebook齐齐饮饮食食: facebook.com/smallsmalllin
我的饮食微博: http://t.sina.com.cn/smallsmalllin
回复时引用此帖
smallsmalllin smallsmalllin 当前离线
客栈之光
帖子: 604
#5
性别: 男生
感谢: 221次/64帖
注册日期: 2009-01-16
旧 回复: 11年土耳其九天异国之旅游记 - 2011-07-13, 11:41


EMINONU码头必试的是什么?有睇旅游书的便知是这鲭鱼包了﹗



现烤的鲭鱼,配上大量蔬菜及洋葱,惹味鲜浓﹗加点柠檬汁去腥﹗

我不爱吃鱼也觉得好好食㖞﹗



星期日虽然埃及(香料)市场不开,来到码头也可以行行这五分钟路程景点﹗



到处都有香料及卖干果的商店㖞﹗

就在香料市场前面的耶尼清真寺﹗



每个清真寺门外都有洗手的地方,不少市民在这儿洗面洗手洗脚,由头洗到尾成身湿哂﹗



里面也挺宏伟的啊﹗



来到码头不得不走走卡拉达桥﹗



桥上数千百人在钓鱼,讲真不明佢地为咩要全日咁由朝钓到晚,唔通鱼获是卖给食店做鱼包的?



这就是从警察处拿到的详细旧城区地图﹗



这张是新城区的,如果大家想要高清版的作旅行前准备,不坊在我的网志留下email,我send给你方便你行新旧城区﹗(其他地方留email绝不回复)



卡拉达桥顶就作行车,中间一层全是餐厅,全部向住海所以风光十分好﹗

我们在这儿试了第一杯的土其耳茶﹗味道有如红茶,老实说一点是.....无甚特别﹗

土国人兴加糖饮用,讲真甜的红茶,味道很怪的,我就受不了﹗



土国六月日长夜短,这张相是摄于土国晚上八点半了﹗

走走当地最出名的蓝庙﹗



是我走过最宏位的清真寺,不同凡响啊﹗

讲真土其耳处处是清真寺,虽然每所都有少少不同之处,但其实大同小异,走多两所,你会发现,没有什么分别﹗



由于昨晚睡得不好,所以还是早点回酒店休息,土耳其的啤酒不便宜啊﹗

一罐efes在士多买要3TL,即系香港$15,不过贵还贵,每天我也喝上半打以上,因实在太好喝,由朝饮到晚﹗正.......这就是我在土国的第一天行程了﹗
原帖地址: 背包客栈自助游论坛 https://www.bbkz.com/forum/showthread.php?t=498292#post3102520

我的网志: http://hk.myblog.yahoo.com/smallsmalllin
facebook齐齐饮饮食食: facebook.com/smallsmalllin
我的饮食微博: http://t.sina.com.cn/smallsmalllin
回复时引用此帖
smallsmalllin smallsmalllin 当前离线
客栈之光
帖子: 604
#6
性别: 男生
感谢: 221次/64帖
注册日期: 2009-01-16
旧 回复: 11年土耳其九天异国之旅游记 - 2011-07-15, 12:14

土耳其有样骑呢,就系每日会中央大大声全国广播祷文﹗

一日五次,最早5:00am,最夜11:00pm,好在我地一训就昏迷,全无影响,如果醒训的朋友就大镬了﹗

是日行程,1.托卡比皇宫 2.坐船去bursa 3.转巴士到Bursa 4.Bursa海鲜街晚饭



酒店包早餐,有新鲜整的omelette同炸肠肠食,好味!唔系处处都有蛋角食架﹗

呢度供应的Yogurt(正中心那PAT)很香很cream,唔知系咪羊奶做但一点也不膻!

至少我食到,应该唔系羊做呱?
原帖地址: 背包客栈自助游论坛 https://www.bbkz.com/forum/showthread.php?t=498292#post3108498



餐厅在酒店最高果层,好风光!

同我地个房既景一样呢﹗



今天行程是托卡比皇宫,会经过圣苏亚大教堂。

Istanbul劲多博物馆同古迹,我地不打算行哂...因为根本行唔哂﹗



之前我有讲过警察地图,跟住佢真系好易揾﹗见到呢个门牌就系喇﹗



10am已经好多游客!全部都系外国人﹗



皇宫猫猫又肥又白!!



这个迪迪尼式的叫"祝福之门"!

亲身睇系坚过乐园的好多,城门好厚架﹗好兴奋呀,跑住入去...



两个无票的人直冲入城门被人赶番出来!

原来售票处系城门右面的!记住买左飞先好入场呀﹗



20TL一个人,即系港币$100入场费!
回复时引用此帖
smallsmalllin smallsmalllin 当前离线
客栈之光
帖子: 604
#7
性别: 男生
感谢: 221次/64帖
注册日期: 2009-01-16
旧 回复: 11年土耳其九天异国之旅游记 - 2011-07-16, 12:58



正宫外的欧亚式的建筑,都几有特色㖞﹗



未入正宫前有金碧辉煌的皇陵



每个拱型天花都是艺术品,好老实,之前都睇过蓝庙等,十个有九个其实都系差唔多﹗(也许我不懂欣赏艺术)



门外闪闪的外墙是真金架,记住带刀仔刮佢落黎﹗



终于行到正宫!



展出的龙床同金光闪闪的地毯。

再行入去就是戏肉 (由于严禁拍照, 所以无相睇)。 排长龙入藏宝库,入面有好多超巨型珠宝首饰,手工真系巧夺天工! 仲有多件几千年历史的苏丹皇龙袍。
原帖地址: 背包客栈自助游论坛 https://www.bbkz.com/forum/showthread.php?t=498292#post3111315

由于这皇宫无被人侵略过, 而且鄂图曼帝国真系好有钱, 藏宝量多,保养又一流,真系睇到哗哗声架﹗十分值得睇!(本来$100睇个博物馆觉得好贵,睇完珍宝之后就觉得值喇﹗)



正宫后面的风景,好风光﹗下面0的屋仔是室外咖啡座来的呀﹗

有时间一定饮番杯﹗可惜要赶行程﹗



苏丹的庭院,个天几蓝﹗

最后行左两个几钟,收工,返酒店攞行理再出发﹗



之后我地要暂时离开伊斯坦布尔喇,因出发去Bursa,由于行程第七日又返来伊斯坦布尔,所以在酒店寄存左0的唔用既用品﹗

由酒店座落的Sultanahmet (旧城区)搭的士到Yenkopi 码头,只需6TL,HK$ 30!



渡轮目的地是Yalova,15TL,即系HK$75/人头,1:30pm有船呀﹗



候船室有餐厅,梗系食0的野先啦﹗

见到待应将客人吃剩的面包喂给海鸥,对比香港要打雀射雀,土耳其人其实几有爱心的﹗



一边看海鸥, 一边开餐。

估唔到呢度既汉堡包好好味,中间的咸乳酪个味道就怪怪的,唔系人人接受!

一个餐两个人分,再加两杯土耳奇茶! 合共7TL,HK$ 35!



船程约1小时,吹住海风,恰一恰就到!
回复时引用此帖
smallsmalllin smallsmalllin 当前离线
客栈之光
帖子: 604
#8
性别: 男生
感谢: 221次/64帖
注册日期: 2009-01-16
旧 回复: 11年土耳其九天异国之旅游记 - 2011-07-22, 11:17



下船时不幸地傍沱大雨, 唯有一个人睇行李, 一个人去找巴士!



呢度系无巴士站的,只有两架旅游巴停o系到,就在码头右面。

如果唔肯定你对住个司机叫BURSA BURSA,佢就会叫你上车的了,不用担心﹗

如果唔够客,就会车你去另一个地方转车﹗(有如香港小巴啦)上左车后,车长会收钱(9TL,HK$45/人)。

由于本地人会先购票mark位, 所以我地这种临时上车的人有机会坐o左人地个位,到时自己再调位就可以的了。



车程大概75分钟,都几鬼远,越过几个高山﹗去到的会系BURSA公车总站﹗

搭巴士就应该好平既,不过我地懒得研究,去左搭的士。哗﹗ 原来都几远! 搭左成半个钟,24TL,HK$120的士。

我地一路以为Bursa是人口稀疏的小乡镇,点知原来是一个汽车重镇! 睇书又话咩Ottoman建筑......仲衰过深圳﹗
原帖地址: 背包客栈自助游论坛 https://www.bbkz.com/forum/showthread.php?t=498292#post3127134

劲失望! 第一站是要check-in,系booking.com 订了efehan 酒店 (65欧元一晚)。



张床细到呕,又旧﹗间房有0的似台湾一乐园......(鬼屋是也...)



外貌更大镬,墙系崩的,窗又好似裂开....

如果来Bursa建议大家住Kent Hotel, 只系贵二百港元,靓仔好多!



无野睇,住又住得衰,嬲嬲地﹗

出去行下先,酒店隔离就是市中心的喷水池,认住佢! 因为对面有Tourist Information,可以拎MAP!(又系0个句,要就在Blog留言啦)



经过呢个local 市集 (UZUN CARSI)...



就会到英女皇都探访过的有顶市集(Kapali Carsi)!

名物系丝巾同毛巾﹗睇过价钱都几平,平有平买啦,唔系去左第二度会后悔﹗

个人心得系见到钟意既野,唔洗点格价,其实度度都系一蚊两蚊,钟意就买,唔系过左揾唔番一定会后悔﹗
回复时引用此帖
smallsmalllin smallsmalllin 当前离线
客栈之光
帖子: 604
#9
性别: 男生
感谢: 221次/64帖
注册日期: 2009-01-16
旧 回复: 11年土耳其九天异国之旅游记 - 2011-07-22, 11:18

有顶市集的中心庭院,有一个Local茶档!劲有风味一定要试试﹗



试第一杯Turkish Coffee,浓到爆﹗又多渣!我估香港人唔会钟意饮﹗右手面的是 Simit 芝麻包 ,脆脆的,好香口,天天吃也不厌!

大家紧记o系土耳奇埋单,千其不要讲 "Check Please."

因为茶的土耳奇文是Clay,个音有点似check!! 我地自己奶左两次野!

叫埋单,点知叫多两杯茶! 可以说Finish. PAY! 佢地反而会明! (高级地方例外!)



土耳奇人爱食烟,好多女人都是烟民! 就我所见Bursa呢个地方,八成人都吸烟﹗

土耳奇不少女性都是传统回教徒,会包头! 就算不包头,她们都好少著短裙、短裤,背心露心口反而无问题,入乡随俗,会玩得开心D!



一眼睇哂呢个地方一个亚洲人都无﹗很有历奇的感觉!



回程再行市集,当地人对我们由头到脚咁打量! 当我地系怪兽似的﹗我地一向爱成为焦点,当然乐此不疲﹗有小女孩要求同食家合照。

咁岩有当地电视台在拍旅游特辑,仲捉住我地两个做访问添!!!!!!!!!!!!

为香港增光﹗


原帖地址: 背包客栈自助游论坛 https://www.bbkz.com/forum/showthread.php?t=498292#post3127139

Efehan 个电梯,回到六十年代! 仆街要自己开门的,工厂区都揾唔到咁旧既建设﹗

不过我想讲Efehan的职员个个都好有耐性,教左我地点样揾车去Goreme﹗就算自己唔识,都上网揾地点地方,呢个真系好抵赞﹗

本来我地初初到埗好憎呢间酒店,慢慢同职员相处后,第二日反而爱上左佢呢﹗



跟职员指示去揾巴士公司,出发无耐已经开始迷路!仆街了﹗

Bursa令我地改观的其中一个原因系,只要你拿著地图在街左望右望,当地人便会上前协助﹗当地人相当之有心亦友善﹗

先后有两个BURSA朋友帮助,我地终于都找到........



这个三角形商场Zafer Plaza地标! 巴士公司Metro agent 就系对面!

地图都以此物为市中心,见到记住认佢既方向呀﹗



终于都买到巴士票了! 放心哂! 不过我想讲,Bursa去Goreme搭巴士要50TL,HK$250一个人,劲贵﹗如非必要都唔好咁行喇﹗
回复时引用此帖
smallsmalllin smallsmalllin 当前离线
客栈之光
帖子: 604
#10
性别: 男生
感谢: 221次/64帖
注册日期: 2009-01-16
旧 回复: 11年土耳其九天异国之旅游记 - 2011-07-22, 11:19

跟手谂住问个职员点去食饭的海鲜街,好心的土耳奇人又来了! 排我地后面的一家人,不单没有觉得我地问长问短烦,仲主动要带我们去!

唔系指路,而系亲身行十分钟,带我地去到饭店,真系唔知点多谢佢地好﹗

只有说句,因你们友善待客,我地「爱上Bursa」了﹗



呢条街成街都系餐厅! 全部坐街边最好FEEL!
原帖地址: 背包客栈自助游论坛 https://www.bbkz.com/forum/showthread.php?t=498292#post3127143



这店是网友好介绍: Arap Şükrü Sokağı 餐厅 (街名: Sakarya Cad. ),在Google会search到的﹗



土耳奇餐厅兴成盘前菜,成盘队哂俾你拣!



睇旅游书已经好想试的当地特产美酒Raki,今日终于有缘试试﹗



45度的酒加冰水饮,会变成奶白色,味哽又白色,所以Raki又叫狮子奶!

味道浓烈,有阵阵薄荷香,小试无坊,多喝必醉﹗

呢个Salted Tuna 前菜中是最贵的了,15TL,HK$75,好好味!



另外叫左田园沙律﹗好田园﹗



土耳其的六月中,日长夜短,夜晚九点都未黑,街上去有乐师卖艺,奏出节奏明快的土耳其传统音乐!

佢地劲落力都玩左起码半个钟,见到当地人打赏了20TL,HK$100给他们呢!

我地坐附近可以免费享受﹗正﹗我已经醉到跟住音乐在街上翩翩起舞﹗



烧鱼都几好食,有黄油火候又不错!

食物都是次要,系RAKI、音乐同气氛已令我地Natural High!



埋单送个靓靓果盘,埋单TL100 (HK$500)﹗

抵食又好玩,呢度气氛真系好好,凡来Bursa,记住来呢条街试试﹗包你满意﹗

其实呢晚醉了,要食家扶我返酒店,唔知发生咩事﹗

这就是我们土耳其的第二天....(待续)

(呢篇Day Two游记系食家出手写架,大家比0的支持啦﹗谢谢﹗)

食评集结: http://smallsmalllin.openrice.com/

facebook齐齐饮饮食食: facebook.com/smallsmalllin

我的饮食微博: http://t.sina.com.cn/smallsmalllin
回复时引用此帖
smallsmalllin smallsmalllin 当前离线
客栈之光
帖子: 604
#11
性别: 男生
感谢: 221次/64帖
注册日期: 2009-01-16
旧 回复: 11年土耳其九天异国之旅游记 - 2011-07-26, 11:55

进入第三天,今日其实无咩行程,谂住食完早餐去Tourist Information睇下有咩玩﹗

就在市中心喷水池旁呢﹗来Bursa的朋友记得一去﹗9:00am开门﹗



每天朝早都会食酒店的早餐。

呢间鬼酒店的餐厅又真系估佢唔到﹗环境很不错,全白的布置舒服而清新。



餐厅望出去可以见到布尔萨是一个山城,风景都不错架﹗

如果有时间既可以搭一个钟头巴士可以到郊外,冬天有得滑雪﹗我地梗系无咁多时间啦,都系在市区到处玩玩算了﹗



早餐没有伊斯坦布尔的多选择,无热食! 好在面包十分新鲜﹗

要一提就系土耳其去边到食饭都有,必有一大篮免费面包供应,高级餐厅多是焗脆了的多士,沾上酸酸甜甜的乳酪几好味架﹗ 所以唔洗叫咁多野食,重点一两样队埋面包已会饱了﹗



食饱饱,先去Information攞左张地图﹗

再行下市中心的清真寺建筑群! 唔驶特别揾,是旦入一间﹗

呢度0的清真寺绝大部份都开放的,可以望入去无咩人,不过只要跟番门口规矩,入去静少少,无有怕﹗



呢间比较的骰,有种简约的感觉﹗细细地反而几过瘾﹗

我地知Bursa是皮影戏发源地,见地图有公仔指引,就胆粗粗问人睇下点去博物馆喇﹗



讲真完全唔识点样去,好傍徨! 唯有向一位小妹妹求助。原来她自己都不太熟路,正路谂住再问其他人啦,点知佢好主动的帮我地问下其他途人,又打电话问朋友。

最后她问完之索性带我地去巴士站,原来搭巴士要去小食亭买票,无人带真系鬼知咩﹗

又出路遇贵人,再一次证明布尔萨人的好客之道﹗



小恩人帮我地买埋票﹗真系感激说话千百句﹗点知佢仲系放心唔落,陪埋我地等十分钟巴士!

她仲专登叫多一个朋友来,我地一齐倾计又合照,原来她是刚毕业的大学生,呢个大学生好有前途,将来必飞黄腾达。
原帖地址: 背包客栈自助游论坛 https://www.bbkz.com/forum/showthread.php?t=498292#post3137256

巴士到了,她仲交带车长教我地落车,等我地可以安心上路



虽然天气好热,不过由于受到殷勤接待,心情总之充满愉快﹗

过左几个站,完全唔识英文既车长又示意我地坐前o的,方便照顾﹗



在市中心搭二十分钟巴士左右就到了﹗

博物馆就在巴士站对面﹗系咪好得意呢?



呢个博物馆好多学校来参观﹗幸好今日人影都唔多只,我地可以周围行周围影﹗

展品充满童真,岩哂我地两个大细路﹗不过唔系讲笑,真系整得好靓﹗

公仔既衫、配件、样貌以至头发,都真系诩诩如生架﹗



有好多木偶睇﹗每个角色都有分明的性格架! 场馆内有英文,唔识英文既我都好易睇得明,系咁易讲讲皮影戏的来由啦:

原来相传当年有两个建筑工人好叻搞GAG,搞到成班工友挂住笑,拖慢了建清真寺的工程,苏丹王火滚就下令斩撚o左佢两个个头!

后来有个臣子睇得出苏丹王心生后悔,无人搞gag闷q死,于是整将呢两个死人既特点化为皮影公仔来氹番皇帝........可歌可泣了吧﹗



呢两个就系主角 - 搞笑工友,仲有我的倒影,呵呵﹗

一个醒一个蠢﹗



皮影戏有时会加入妖精角色,呢个有波波男与女,送俾大家﹗



今次可以清楚一点见到两个主角﹗馆的底层也会有LIVE 皮影戏表演的,我地夹唔岩时间睇SHOW,不过都睇到佢地rehersal﹗几过瘾架﹗

参观完博物馆,我地见头先在巴士经过一个十分大的公园,绿草如茵似的,就去悠闲下﹗顺便揾野食﹗
回复时引用此帖
smallsmalllin smallsmalllin 当前离线
客栈之光
帖子: 604
#12
性别: 男生
感谢: 221次/64帖
注册日期: 2009-01-16
旧 回复: 11年土耳其九天异国之旅游记 - 2011-07-26, 11:57



搭的士到公园入口,原来叫Kultur Park,睇地图一定见到,我十万个建议大家来行下,唔食饭都饮杯野﹗



公园旁边系布尔萨球会主场,出发去土耳其前我都有睇呢度超级联赛完左未,如果未就入场睇下波,可惜...............



当地人在喷水池踏水上单车,好写意呀﹗



地图中心绿色部份就是Kultur Park了!

呢张就系information俾我地的布尔萨地图﹗一定比所有坊间书藉清楚及详尽﹗有兴趣去Bursa的朋友就在Blog留言啦﹗



由于太舒服,天气好又有凉风送,唔觉唔觉在树荫下饮了四支大啤,醉醉地个店长无端端队左碟薯条俾我地!唔通醉到断左片叫左都唔知?明明唔想食野架﹗

呢0的户外餐厅饮支啤酒大约$35港纸左右啦﹗
原帖地址: 背包客栈自助游论坛 https://www.bbkz.com/forum/showthread.php?t=498292#post3137260



呢个公园有好多态格餐厅,不过要饮酒就最好在门外先问问,不是间间都卖酒的﹗

九成露天,在树荫下进餐倾计真系人生一大乐事﹗

饮饱食醉都成两点几,打的返市中心再行下先﹗



系有顶市集的庭院食肆养了一窦兔仔。

见到小动物就令食家忆起大狗........



系呢度买野,舒服过系超多游客的伊斯坦布尔大市集很多!

至少人少0的,价钱亦都平0的﹗



有顶市集旁就是大清真寺。



成六百年历史﹗唔系唔睇嘛?



入清真寺要除鞋,回教徒会洗干净对脚先入去﹗

不过太多观光客不洗脚(包括我地自己) ! 搞到寺内充斥著脚臭味!!!!呢股浓郁的咸鱼味十分醒神!你唔会想留好耐,五分钟内你必会想走﹗

女人就记得入寺前要包头啊! 食家试过唔包,入场俾职员捉到闹左一阵﹗



布尔萨民风淳朴,在这儿的清真寺可以见到回教徒的虔诚,这是在别的地方少有的﹗



寺中心有一个喷水池,是大清真寺的特色!



呢家人一齐念经﹗

(待续...........................)
回复时引用此帖
smallsmalllin smallsmalllin 当前离线
客栈之光
帖子: 604
#13
性别: 男生
感谢: 221次/64帖
注册日期: 2009-01-16
旧 回复: 11年土耳其九天异国之旅游记 - 2011-08-06, 11:04



Bursa 除左多清真寺,仲系香港见惯旋转肉柱式Kebab的发源地!

无理由唔试﹗试了这间Bursa Kebab,就在有顶大市集内﹗行行下会见到﹗



土耳奇人爱饮汤,这个是鸡汤,味道酸酸的,醒胃﹗



原来Kebab系咁既样,唔会好似香港咁包成一碌﹗

牛肉味浓郁﹗土耳奇人十分重口味! 酱汁是茄汁加辣味,几惹味﹗不呢个餐唔平,成17TL,$75﹗



呢度有样唔多好,就系去公厕要收钱﹗价钱由0.5TL至1TL不等,即系计起成$5一督尿﹗

我地两个成日饮啤酒,属于肾亏尿频一族,一个钟疴两次成$10,疴到破产!



大宅(Balibey Inn)是当时第一栋三层建筑,依家活化左做商场,

有书店、cafe和纹身摊档。沿住大宅的背后行上山就会到下一个景点,古城墙。



波斯人、罗马人都用过的护城墙,而家真系得番块墙,影下相都几得意既﹗
原帖地址: 背包客栈自助游论坛 https://www.bbkz.com/forum/showthread.php?t=498292#post3166953

过左呢度两千年历史的城门,向右去...



四处都是这种黄屋仔!

o拿o拿o拿呢0的就系otoman建筑喇﹗来Bursa好多人都系为左睇佢﹗



山顶上有一个钟楼



呢D大炮系仲用得架﹗过时过节就会鸣炮!

我地0系澳门睇得多啦,对呢0的炮无咩兴趣﹗



山顶上有个cafe景观极佳,大家可以坐下﹗Bursa 的建筑仲密过香港呢﹗

而家仲有不少地方起近高楼大厦!



游客区先有cappuccino 饮!

Tea完行番落山,之前都提过,土耳奇成8点先开始日落,时间好似好好洗咁!



落山时,从另一角度来看三层的Balibey Inn,又系可以来饮野的好地方﹗
回复时引用此帖
smallsmalllin smallsmalllin 当前离线
客栈之光
帖子: 604
#14
性别: 男生
感谢: 221次/64帖
注册日期: 2009-01-16
旧 回复: 11年土耳其九天异国之旅游记 - 2011-08-06, 11:05

地点在寻日介绍过的三角形商场对面﹗



成身汗﹗唔想再行,当然是happy hour的好时候﹗

记得早餐时酒店的餐厅几好坐,所以谂住返去坐。

原来餐厅上仲有露台,我地就系呢度写游记﹗



写写下游记,食家瓜瓜嘈,原来有巨型彩虹出现呀﹗

天然而成既彩虹我地都系第一次见,呢个旅程真系好神奇!

本来我地对呢间酒店弹多过赞,不过由大堂热心帮我地,到见到餐厅几靓,再加上有呢个天台既酒廊及睇到彩虹,我地既怨气慢慢由100减至0了﹗



行下行下,荡失路添﹗话之佢继续行,最多唔识返酒店搭的士吧﹗

咁岩得咁桥就俾我地撞到呢间宠物店!



超级市场的又太大包,今次成功买到2 TL(HK$10) 一包仔!

土耳其既猫仔有福了!



荡荡下,来到一个街市! 见识到好多古怪的食材! 都不知是生果定系菜!

由于爱吃,我最钟意行下街市,睇下有咩特别既食物,本来我地两个打算参加土耳其既煮饭仔tour,不过格过价最平要成$500一个人玩半日,觉得太贵还是放弃了﹗



揾饭开,最后我地揾左间地踎既local场,坐櫈仔好过瘾,就在我地酒店旁一分钟路程﹗食物味道不比大餐厅差呢﹗



呢0的小店见有游客出现都好奇怪,始终应是做当地人生意,对我地好礼貌,虽然完全唔识英文,不过用下身体语言都可以沟通到既﹗炭烧鸡肉同羊肉!

香喷喷﹗即叫即烧架﹗



呢间地茂仲好食过LUNCH 那间Bursa Kebab!

鸡肉串烧烧工一流! 皮脆肉嫩! 微辣的香料带出鸡的鲜味!

难得配菜都腌得好岩我地口味! 成碟一扫光!

由于店员不会英文,于是点菜时,食家唯有用美丽的肢体作沟通工具:

食家: Kebab! [之后用手在头上扮牛角,想叫牛肉卡巴]

店员: Mooooooooooooooooo...moo...[点头,好似明,发出一阵吼叫,唔知Moo咩撚野.....)

食家与店员: Yeah, yeah, yeah, yeah!

以为成功叫到牛啦,点知...



仆街,原来Mooooooooooooooooo既声系羊声﹗有冇见过羊架?

明明羊系叫 :「咩咩咩咩咩咩咩咩咩」,唔通土耳其羊「momo」叫?

羊我完全唔食,呢次食家笑了,成件食哂......(我估土国都叫错左三几次由牛变羊,食家话以后都唔再食羊﹗)



呢个貌似C朗的店员好搞野,就系话羊momo叫那位仁兄!条友服务就无乜,胜在笑容可掬﹗开可乐仲要搞到我一身都系!

埋单时佢请饮茶,又俾左一碟香口用的肉桂干我地试下,放几粒落茶到,又真系几香!

临走时佢又倒D野落我地只手到,再示范拍下落块面同颈到,

Woo... So Refreshing! 原来系花露水! 决定要买黎做纪念品!

呢餐埋单TL 15 (HK$85),又好食又好玩,仲平到笑添﹗介绍俾来布尔萨的朋友﹗



回酒店运行理,知道要离开这友善之城,未来仲要唔知有冇机会再来,我同食家都有少少唔舍得的

由酒店坐的士去Bursa Terminal,要TL26 (HK$130),其实由酒店出发,大可叫酒店帮你叫的士,我试过好几次,完全无兜路既问题出现。
原帖地址: 背包客栈自助游论坛 https://www.bbkz.com/forum/showthread.php?t=498292#post3166958
原帖地址: 背包客栈自助游论坛 https://www.bbkz.com/forum/showthread.php?t=498292#post3166958

的士大佬唔识英文,只识德文! 沿途叽哩咕噜,唔知佢讲咩,佢又当我地明㖞,又讲又讲,都话布尔萨人真系友善架啦﹗指住D车厂叫我地睇,应该是Bursa的重要工业挂...

佢问我地攞车票睇,落车帮手拎行李,带埋我地去正确的候车处,重要唔想收TIPS﹗



再见了人情味满泻的布尔萨﹗如第时再有机会去土耳其,会再来多住几天的﹗



巴士十点左右准时开出,有电视睇,有headset、野饮同小食派发。



我强烈建议,如非必要,真系唔好搭夜巴,一来唔平得好多,二来真系无咩可能训得著﹗土耳其人唔q洗训,成晚开大个电视仔,搞到照住我地只眼﹗

有条仆街仲要0系度成晚播音乐,开大喇叭,九成九系聋既,嘈q住哂﹔再加上每两小时左右巴士就会驶入车站俾你疴尿同俾车长休息,又停又开广播,训左等如无训。

我全程Tee加短裤,本来都无咩野,不过当一接近卡柏多奇亚后,晚上的气温由22度跌到13度,冻到我发哂茅,六月中都咁冻,大家记住带外套呀﹗

呢12个钟惨喇......眼光光,训三个字醒一醒,落车疴尿又要收钱,疴左廿几三十蚊......

这就是我们的土耳其第三天旅程了........................

(见上篇反应好食家再出手,呢篇Day Three游记系食家出手写架,大家再比0的支持啦﹗谢谢﹗)

食评集结: http://smallsmalllin.openrice.com/

facebook齐齐饮饮食食: facebook.com/smallsmalllin

我的饮食微博: http://t.sina.com.cn/smallsmalllin
回复时引用此帖
chiwago566 chiwago566 当前离线 chiwago566 已通过手机验证. 门号所属国家:Taiwan
客栈之光
帖子: 2,559
#15
性别: 秘密
感谢: 1,068次/635帖
注册日期: 2007-07-23
旧 回复: 11年土耳其九天异国之旅游记 - 2011-08-10, 00:41

写得很棒!加油喽@!
回复时引用此帖
回复   发表新主题



主题分类清单
游记行程交通住宿景点购物饮食
金钱证件其他全部
主题工具
论坛跳转
主题工具